EL HIJO DE BIGFOOT

Bo día!
Hoxe repasamos as táboas de multiplicar a través deste entretido xogo. Só tedes que premer no enlace...e a xogar!!

Un saúdo.

PASAPALABRA

Bo día!
Hoxe traemos todo un clásico ó noso blogue, un xogo que engancha a maiores e a máis pequenos que ademáis de divertirnos serve para estimular o pensamento e aprender  novo vocabulario. Para empezar a xogar premede no seu nome.

PASAPALABRA

Un saúdo.

LA GRIPE DE MORITZ

Bo día!

Hoxe traemos unha nova actividade de comprensión lectora, dirixada a alumnado de 3º e 4º de primaria. Escoitade atentamente a historia e respondede as preguntas. Premede no enlace: La gripe de Moritz.

Un saúdo.

MONSTRUO COMESÍLABAS

Bo día!

O monstruo comesílabas é un xogo dirixido aos máis pequenos, no que o alumnado ten que xogar cos sons nas diferentes posicións das palabras. Esto vai a reforzar a conciencia fonolóxica, moi importante para desenvolver unhas habilidades lectoras axeitadas. 

PINCHA AQUÍ

Un saúdo

UNHA DE MATES

Bo día.

Hoxe toca... repaso das táboas. Para iso deixámosvos unha ficha onde tedes que resolver un puzle de multiplicacións. Animádesvos? Pois premede no enlace.

Un saúdo.

SEPARA PALABRAS

Bo día.

Ás veces os nosos alumnos ou alumnas cando escriben de forma espontánea xuntan dúas palabras ou separan unha en dúas. Para mellorar eses erros debemos traballar a conciencia léxica ou conciencia de palabra.

Así que hoxe, traemos unha ficha  interactiva onde os nenos e nenas teñen que separar correctamente as palabras dunha oración.

Un saúdo.

DÍA DAS LETRAS GALEGAS

Bos días:

Co gallo do día das Letras galegas deixámosvos un xogo ben entretido.

Animádevos a resolver os retos e así coñecer un pouco máis ao homenaxeado deste ano, Ricardo Carvalho Calero.

Tedes que ir superando probas e así conseguiredes un número segredo. Este número vaivos ser necesario para resolver a proba final, así que,  non te esquezas de ir anotándoos nun papel.

Nada máis, collede lapis e papel e SORTE.

https://view.genial.ly/5eb042186f16bf0d194d52c8/presentation-letras20

Para saber máis: 
https://view.genial.ly/5eb28defe4d83e0d37f2fcb6/horizontal-infographic-timeline-letras-galegas-2020

Para os alumnos/as de Infantil e de 1º e 2º curso tamén vos deixo uns enlaces para realizar actividades interactivas e coñecer un pouco máis a este gran escritor galego.

Un dos seus libros máis famosos para os nenos e nenas é As pitas baixo a choiva.

Queredes escoitalo? pinchade no seguinte enlace

As pitas baixo a choiva: https://www.youtube.com/watch?v=8VrdvVwY1rA
Actividades interactivas:  http://primaveradasletras.gal/as-pitas-baixo-a-chuvia/

Actividades en pdf con apoio visual. https://www.lingua.gal/c/document_library/get_file?folderId=1647069&name=DLFE-20619.pdf.

Un saúdo

       COMO APOIAR A NENOS/AS CON TDAH DURANTE A CRISE DO COVID-19:

1. Pregunte aos mestres/as e persoal da escola: "Que funcionaba para o meu fillo cando precisaba concentrarse?", "canta axuda debo proporionarlle durante a tarefa?.
2. Estruture o día: especialmente os nenos/as con TDAH o precisan máis que os demais nenos/as. É importante ter un horario publicado nalgún lugar da casa que mostre o que farán en cada momento do día.
3. Pense en termos de refachos de aprendizaxe: os nenos/as con TDAH só poden enfocarse e traballar de xeito efectivo durante 45 minutos como máximo. Trátase de mantelos interesados durante un período de tempo que sexa realista para a súa capacidade de atención e logo darlles un descanso.
4. Alterne as actividades que sexan menos atractivas para eles con aquelas coas que desfrutan máis. Por exemplo: 45 minutos de traballo escolar, seguido cun refrixerio favorito, unha camiñata ou xogar videoxogos.
5. Use a atención positiva: os nenos/as con dificultades de atención e control de impulsos necesitan recibir  eloxios grandes, alentadores, inmediatos e intensos. Por exemplo: "Excelente traballo ao comenzar a túa tarefa tan rápido!"
6. Use a atención como motivador e recompensa: podería usar os debuxos dun semáforo e dicir "cando  o semáforo de mamá se poña en vermello, non está dispoñible, ela está a traballar. Pero cando se poña verde, é a súa oportunidade  de xogar contigo"
7. Estar presente cando esté presente: cando preste atención ao neno fágao plenamente, evite distraerse revisando o seu teléfono ou correo electrónico durante eses momentos en que lle prometeu toda a súa atención.
8. Non espere o éxito instantáneo!: sería bo manter as expectativas baixas ao principio mentres atopa o ritmo e vai descubrindo como funcionará isto para todos/as. Pénseo como un proceso de proba-erro.

VÍDEOS DE REPASO: LA ORACIÓN. SIGNOS DE PUNTUACIÓN. SIGNOS DE EXCLAMACIÓN.

Bo día:

Hoxe déixovos uns vídeos de repaso que podedes visualizar á hora de facer os exercicios.

La oración: sujeto y predicado

Punto y coma, dos puntos y puntos suspensivos 

Signos de puntuación

| 

USAMOS O DICIONARIO

Ola nenos e nenas:

Hoxe imos traballar co dicionario, xa que o debemos considerar unha ferramenta fundamental na  vida dun estudante.

Usar un dicionario vai máis alá de atopar unha palabra, debemos aprender a interpretar toda esa información recollida para aplicala ao contexto ao que se refire.

Pero, para empezar a usar este manual debemos coñecer perfectamente o ABECEDARIO. (se aínda non sae ben, nesta semana podedes repasalo).

Logo, realiza cos teus pais, irmáns,... xogos e actividades que impliquen o uso do dicionario.

Non esquezades, o dicionario debe converterse nun elemento sempre presente na mesa de estudo de todo neno/a, podendo así consultar calquera cuestión sobre ortografía ou gramática. Por iso, se non tendes un dicionario a man,  facilítovos un enlace para acceder dende o blogue tanto ao Dicionario da Real Academia Galega como ao Dicionario da Real Academia Española, sempre que o necesitedes.
Podedes visualizar estes vídeos: 

Canciones del Abecedario.

Cómo Usar el Diccionario.

PROPOSTA DE PLANIFICACIÓN PARA A SEMANA DO 4 AO 8 DE MAIO

Bo día:
Para continuar coas rutinas que tiñamos na aula deixamos unha guía do traballo para esta primeira semana do mes de maio.  É orientativa, vós podedes ir adaptándoa como mellor conveña.

Pinchando AQUÍ pódese acceder ao calendario do mes de maio para seguir traballando os días da semana. Recordade que na banda dereita do blogue tamén tedes un enlace para escoitar a canción.

Bo comezo de semana.
Un saúdo.

DESCARGAR
CALENDARIO

Técnica de relaxación de Koeppen para nenos/as

https://youtu.be/o9uaRmHiAwc

Venres 1 de maio 2020

Boas Familias!

Eiquí algúns consellos prácticos de que podemos facer como pais e nais para axudar aos nosos fillos/as ante esta situación:

1. Coidese: para coidar e transmitir calma e seguridade aos seus fillos/as é esencial que vostede se sinta confiado e tranquilo.
2. Sexa vostede a fonte de información fiable para o seu fillo/a: fale de xeito natural sobre os síntomas da enfermidade, transmita seguridade e confianza en que todo sairá ben e que se atopa seguro coa súa familia, favoreza que lle fagan preguntas.
3. Trate de que os seus fillos lle conten como se sinten: pregúntelle se se sinte triste ou asustado, pode pedirlle que lle debuxe unha cara triste, asustada, alegre...; ensínelle que se pode sentir máis relaxado con algúns xogos; trasmítalle que é normal sentirse como se sinte; pídalle que debuxe un coronavirus, propóngalle que inventen un conto ou unha historia na que apareza o neno e o coronavirus, pode incluir amigos, familia...
4. Fomenten en familia "O Equipo Anticoronavirus" : explíquelle que son e para que serven as mascarillas, como esbirrar ou toser, como lavarse as mans; explíquelle que estar na casa e non ir ao colexio é algo pasaxeiro, fágalle sentir que estar en casa e coidarse vence ao coronavirus, fágalle sentir que toda a familia está a loitar contra o coronavirus.
5. Empregue a tecnoloxía como aliada: faga video conferencias, chats ou WhatsApp con amigos ou familiares; vea series ou películas, busque vídeos de manualidades; pero procure que o tempo de exposición non sexa excesivo e sempre acompañado.
6. Mantéñanse activos en familia: unha rutina a medida da familia: fagan unha planificación das actividades e horarios do día: hora de levantarse, o tempo de actividades escolares, hora da comida, tempos de descanso, cea, ou baño, hora de ir a dormir.
7. Organize o seu tempo e o dos seus fillos "todos a traballar"
8. Poña límites, as normas tamén lles axudan nestes momentos.
9. Aproveite estes intres para facer cousas que nunca teñen tempo de facer xuntos.
10. Busque apoio psicolóxico para afrontar a crianza dos seus fillos se cree que o precisa: con algún recurso de axuda telemática.

Moito ánimo a todos/as!

SUPERHEROE CONTRA O CORONAVIRUS

Bo día.

Xa que a vindeira semá os nenos e nenas poderedes saír á rúa, traémosvos un conto para anticipar e explicar a saída tralo confinamento e cumplir correctamente as normas establecidas.

Esperamos que vos guste.




                                               

Un saúdo.

LEEMOS CON DIFERENTES VOCES

Bo día.

É moi importante fomentar hábitos de lectura nos nenos e incluíla na súa lista de paixóns. Para iso, debemos planteala dunha forma dinámica e divertida.

O material que vos presentamos hoxe pretende que o momento de ler resulte apetecible. Consta de varias tarxetas nas que se indican diferentes voces coas que teremos que facer a lectura. Polo que so necesitaremos un libro, coller unha das tarxetas de forma aleatoria e...facer maxia.



Un saúdo.

23 Abril- Día do Libro

Co gallo do Día do Libro, invitámosvos a participar esta semana nunha actividade moi interesante. 

  23

DIARIO

Bo día.

Xa queda menos para volver a vernos. Pero mentras teñamos que seguir na casa, vamos a seguir ocupando o tempo para que se nos pase máis axiña.

¿Que vos parece se escribimos un diario? Podemos escribir todos os días o que fixemos, como nos sentimos, o que aprendemos,...

Para axudarvos un pouco, aquí vos deixamos un modelo de cómo poderíades facelo, ainda que podedes cambialo ó voso gusto. Premede no enlace e... a escribir.

Un saúdo.

BOOM MATEMÁTICO

Bo día!

A proposta de hoxe vai dirixida especialmente  aos nenos de 3º e 4º. Imos  repasar as mates dun xeito lúdico e divertido.  No seguinte xogo, teredes que enfrentarvos a 17 retos matemáticos, onde haberá que resolver problemas, descompoñer números, ler reloxos,... Atrevédesvos?. Pois veña, pinchade aquí e...a xogar!!!

Ánimo!

Aprendices Visuais

 Bos días:

Hoxe chegounos ao correo do centro uns enlaces para poder descargar de balde os 20 contos con pictogramas de Aprendices Visuais.

Son dúas coleccións de contos. A colección Aprende, para poder traballar a autonomía na casa: o lavado de mans, o baño, a comida, vestirse ou lavarse os dentes. Tamén o traballo de emocións básicas: contento, triste, asustado, enfadado e sorprendido.

Na colección Disfruta, encontraredes 5 contos ideais para a iniciación á lectura, divertidos e con historias de aventuras como : El Oledor Explorador, La Rana Pirata, El Dragón Chef, Las Pelusas se mudan de casa o El Pajarito Rosa

Atoparédelos todos no seguinte enlace :

https://aprendicesvisuales.com/p/cuentos_aprendicesvisuales

CONSTRÚE A TÚA HISTORIA

Bo día.

No día de hoxe, propoñévosvos unha tarefa na que tedes que elaborar unha historia. Só tedes que entrar na páxina pequenas historias e ordenar as imaxes que alí aparecen. Logo, teredes que contar o que pasa en cada viñeta e...voilà...xa tedes a vosa historia.

Podedes axudarvos das seguintes preguntas:

• ¿Quen son os personaxes?
• ¿Que che parece que pasou?
• ¿Como se sinten?
• ¿Como remata a historia?

Un saúdo.

ERRE QUE ERRE

Bo día.

A tarefa de hoxe vai dirixida a aqueles nenos e nenas que lles costa un pouquiño o fonema /r/. Así que aquí vos deixamos uns vídeos para que non vos esquezades de practicar.

       

Un saúdo.

COMPRENSIÓN ORAL

Bo día!

Esperando que todos e todas sigades ben, despois destes días de descanso, comezamos semana e novo trimestre.

Dende o Departamento de Orientación deixámosvos un vídeo-conto, para que o vexades e logo contestedes a unhas preguntiñas. Podedes escribilas ou ben facelas de forma oral. 

Pinchade aquí.

Un saúdo.

DÍA MUNDIAL SOBRE A CONCIENCIACIÓN DO AUTISMO

Bo día!

2 de abril é o día escollido polas Nacións Unidas para concienciar ó mundo sobre o Autismo, co obxectivo de mellorar a calidade de vida tanto da poboación infantil como dos adultos que sofren este trastorno.
A campaña deste ano ten o seguinte lema: "Puedo aprender puedo trabajar" e anímanos a compartir nas redes sociais algunha foto ou vídeo cunha ferramenta que represente as nosas habilidades. Outra das iniciativas é a de colgar algo azul nas ventás, un anaco de tea azul, un corazón azul, un globo azul,...
Colaborades?

 Ánimo!💙💙

Bos días nenos/as.

Hoxe comezamos novo mes.  Deixamos o calendario do mes de abril para que sigades facendo as rutinas.

Esperamos que esteades levando o mellor posible este confinamento.

Bicos.

Calendario ABRIL

PALABRITAS

Bo día!

No seguinte enlace ides atopar unha actividade para repasar a aprendizaxe e desenvolvemento das habilidades lectoescritoras. Unha proposta que vos deixamos para o día de hoxe, indicada especialmente para aqueles alumnos que se están iniciando na aventura de aprender a ler e a escribir.

Ánimo!

SERIES LÓXICAS

Bo día!
Empezamos semana e para este luns traémosvos unha app moi chula para os máis peques, para traballar o razoamento lóxico e a atención, a través de series de obxectos, animais ou cousas, nas que falta algún elemento que deben buscar: Las series lógicas de Lucas.

                   

Ánimo!!

SOPLOFÚTBOL

Bo día. Hoxe animámosvos a elaborar un xogo caseiro moi fácil e divertido: o Soplofútbol.

Este xogo, é moi recomendable para fortalecer a musculatura bucofacial e mellorar a capacidade respiratoria, imprescindibles para o axeitado desenvolvemento da fala.

Quen se apunta? Clicade no vídeo e... a meter moitos goles!!!

Esta semana traballo na casa

Para continuar un pouco coas rutinas que tiñamos na aula deixamos unha guía do traballo para esta semana. Descargar guía de traballo.

Pinchando aqui pódese accedar ao calendario mensual para traballar os días da semana.
Un saúdo.

“Aquelando tamén quedamos na casa”

A CRTVG emitirá  pola G2, un bloque educativo para apoiar os estudantes galegos

Unha das apostas didácticas é “Aquelando tamén quedamos na casa”. Con ela búscase que a rapazada aprenda de xeito entretido, con explicacións, experimentos e trucos nos que se manexan conceptos e ideas de todas as materias que se poden atopar nos diferentes ciclos educativos.

Os pequenos poderán gozar tamén das clásicas series divulgativas de animación como

“Era unha vez... o home” e “Era unha vez... os exploradores”, creadas por Albert Barillé

Pola súa banda, o programa “Criaturas”, achegaralle ao público máis novo o medio natural e 

os animais desde diversas perspectivas.

Horario de emisión: De luns a venres, entre as  11:00h e 13:00h.

‘Aprendemos en Casa’

Arranca ‘Aprendemos en Casa’, el proyecto de tele educativa del ministerio y RTVE

A partires de mañá luns 23 de marzo podemos ver na TV pública , na canle e franxa horaria que mostramos, una serie de contidos educativos, facilitándolle  así aprendizaxe e entretemento aos nosos rapaces e rapazas.

EDADES	LUNES	MARTES	MIÉRCOLES	JUEVES	VIERNES	ver
6-8 años	Matemáticas	Sociales	Ed. Artística Ed. Física	Lengua Idiomas	Naturales	9h-10h  Clan Tv
8-10 años	Matemáticas	Sociales	Ed. Artística Ed. Física	Lengua Idiomas	Naturales	10h-11h Clan Tv
10-12 años	Matemáticas	Sociales	Ed. Artística Ed. Física	Lengua Idiomas	Naturales	11h-12h  Clan Tv
12- 14 años	Matemáticas	Sociales	Ed. Artística Ed. Física	Lengua Idiomas	Naturales	12-13 La 2
14- 16 años	Matemáticas	Sociales	Ed. Artística Ed. Física	Lengua Idiomas	Naturales	12-13 La 2

Para máis información pincha no seguinte enlace:https://www.rtve.es/rtve/20200320/rtve-aprendemos-casa/2010489.shtml

Por unha sociedade máis inclusiva

Hoxe 20 e mañá 21 pon calcetíns desparellos e mellor de cores! Sigue esta iniciativa, tira unha foto e comparte nas redes!!!! Así  contribúes a acadar unha sociedade máis inclusiva!

Imos ao super ??

Bo día:

Hoxe propóñovos ir ao super "de forma telemática", claro  Que vos parece?.

En primeiro lugar imos facer a lista da compra, o que necesitamos para os vindeiros días,  desde xeito seremos máis rápidos á hora de mercar evitando así as aglomeracións.

Para facer a lista podedes clasificar os produtos en: alimentación, aseo, produtos de limpeza,… (a clasificación que queirades).

Si tendes na casa folletos coas ofertas podédelos coller e así iredes comparando prezos e axustando o voso presuposto.

Para xogar coa imaxinación podedes elixir un produto calquera e inventarlle un slogan, para que teña máis éxito no mercado.

Exemplos de algúns slogans

Seguro que vos van saír uns slogans moi orixinais e fantásticos. Si queredes podedes traelos ao cole á volta. 

Tamén vos deixamos uns enlaces na marxe dereita do blog, para que poidades practicar o manexo dos cartos.

Un sáudo.